蟹肉炒飯

    家有喜歡食蟹的小朋友，自稱最喜歡食大閘蟹，唔知佢系真的識食還是信口開河。做為阿媽當然投其所好啦！唔想佢食得耐同埋論盡，今日拆晒啲肉做了炒飯。佢慢慢食咗一啖，好耐吐出一句：真系幾好味喔！我心裹覺得好笑，吞咗幾乎到喉嚨的一句說話：哼，你系食家呀!

   做這個炒飯很簡單，花最多時間是拆肉，所以一次只用一隻好了。雖然麻煩，但新鮮又好味，很符合我的宗旨：就是盡量少用加工食品。

材料：肉蟹1隻  凍飯1碗   翠玉瓜1/3  雞蛋1隻  蔥粒少許

調味料 ：鹽少許  魚露半湯匙

做法 ：首先蒸蟹7分鐘左右

拆肉

落1湯匙油炒雞蛋，雞蛋不要打匀，用匙羹篤爛蛋黃即可，這樣炒蛋後蛋黃和蛋白鮮明

翠玉瓜切丁用少鹽炒熟，翠玉瓜味淡，不會搶蟹的鮮味

落1湯匙油炒凍飯，炒散之後加蟹肉

落半湯匙魚露炒

最後落埋翠玉瓜和雞蛋，用大火快炒1分鐘，以揮發水份

裝在蟹蓋上或碗裡(不很漂亮)，雖然外表平平無奇，但味道卻是出奇地好，滿口只有蟹的鮮味