黑松露醬蘑菇意粉

    每次問兒子想吃甚麼意粉，他就會答肉醬意粉。所以今次我就無問佢，做了松露醬意粉。因為答案是可想而知的，如果我問咗之後做其他嘢他又會話我假民主，又乜乜乜⋯⋯，現在不同於以前，不再是媽媽說的就是對的，喜歡駁嘴，甚至有時覺得他還樂此不疲。但願這只是我的錯覺！

材料：意粉2人份  蘑菇5~6朵  乾辣椒1隻  蒜頭兩粒  雞湯大半個飯碗  鹽2/3茶匙

做法：首先煲一大煲水，煲滾之後加鹽煮意粉，時間比包裝上所指的時間少1~2分鐘

煮好意粉撈起加一湯匙橄欖油撈勻，這樣就不會黏成一團

另外用平底鍋加2湯匙油炒蒜片和乾辣椒

炒香之後加蘑菇加少許鹽炒1分鐘

之後加雞湯加埋剩下的鹽(用雞殼、洋蔥(小)1個、西芹2條、甘荀1個、月桂葉2片、胡椒粒10粒，大火後慢火煲1.5小時做雞湯，用保鮮盒裝住放冰箱用幾次)

加意粉炒1~2分鐘收汁

還有少少汁時熄火加黑松露醬撈匀

加芝士粉，嗯~怎講好呢，很高貴的味道！

意粉的保管

有些意粉包裝不是用ziplock bag，也不是按一人份分好，一次食唔晒1包，剩下的怎保管呢？這時用大支的水樽就又方便又環保，而水樽的口份量又剛好是一人份量。可以試下，這樣就唔使夾，搞到家裡總是不夠夾子。

黑松露醬